Hamiti: Institucionet e Kosovës nuk e dinë datën e shpalljes së pavarësisë

Kryesia e Kuvendit të Kosovës ka caktuar mbajtjen e seancës së rregullt të Parlamentit për të premten. Në rend dite do të jetë miratimi i buxhetit si dhe shqyrtimi i disa projektligjeve.
Kryeparlamentari Jakup Krasniqi tha se kryesia nuk ka diskutuar për datën e seancës ku do të shpallet pavarësia, por përsëriti se kjo të bëhet gjatë shkurtit.

Ndërkaq, anëtari i kryesisë nga Lidhja Demokratike e Kosovës, Sabri Hamiti, tha se data do të caktohet në koordinim me Shtetet e Bashkuara dhe Brukselin.

“Institucionet e Kosovës nuk janë në gjendje që vetë të caktojnë datën dhe për këtë as nuk mund ta thonë” tha Hamiti, pas mbledhjes së Kryesisë së Kuvendit. /rtk