ViiiiiiiiiiPPPP

`slika` Kirsten Dunst urren kur xhiron filma "të mërzitshëm" aksion

Aktorja e filmit "Spider-Man 3", që ka luajtur rolin e Mary Jane Watsonit në njërin prej aventurave më të suksesshme të të gjitha kohërave, ka thënë se xhirimi i skenave të filmave aksion është mjaft “i mërzitshëm��? dhe i komplikuar.
Ajo ka thënë: “Filmat aksion vërtetë të detyrojnë të qëndrosh gjithë ditën dhe të mos bësh asgjë. Shkoni në gjashtë të mëngjesit, visheni dhe rregulloheni, vendosni grim dhe ai kullon nëpër poret e lëkurës tuaj, gjatë gjithë ditës, dhe kjo është vërtetë e mërzitshme”.

“Unë gjithmonë kam shumë aksione në filma të tillë, dhe nuk më pëlqejnë. Gjithçka ju shihni në një video të mirë aksion merr me javë ose me muaj, dhe secili moment të merr një ditë. Aty përfshihen britmat, veturat, lartësitë, dhe vërtetë është shumë teknike dhe e komplikuar”.

Aktorja 25-vjeçare, e cila së fundi ka pasur përvojën e saj të parë në regji me filmin shkurtër “Welcome”, ku aktron aktorja Winona Ryder, thotë e ka pasur të vështirë të gjendet në anën e kundërt të kamerave.

Kirsten ka thënë: “Mendoni se keni nën kontroll gjithçka, por në të vërtetë jo. Gjithmonë ka gjëra të cilat dalin si të papritura”.

`slika` Lily Allen merr vërejtje nga babai i saj Keith

Aktori televiziv, Keith Allen, ia ka tërhequr vërejtjen yllit të muzikës pop, bijës se tij, Lily, që të mos përdor droga të rënda dhe të rrezikojë të përfundojë sikur kolegia e saj, Amy Winehouse. Keith thotë t’ia ketë shpjeguar vajzës se tij se prej cilave lloje të drogave duhet të shmanget.
Megjithatë, 54-vjeçari Allen, ka shtuar se e di që ai nuk është personi i duhur për ta këshilluar Lilyn, 22-vjeçare. Sidoqoftë, ai ka thënë se ndjehet i sigurt, ngase e njeh vajzën e tij dhe e di se çfarë personi është ajo.

`slika` Jolie e pakënaqur me veshjen e Pittit

Bukuroshja e Hollywoodit, Angelina Jolie, nuk e pëlqen aspak shijen në të veshur të të dashurit të saj, Brad Pitt, dhe ka kërkuar nga ai që ta përjashtoj stilistin e tij. Sipas mediave amerikane, Jolie është zemëruar shumë muajin e kaluar, kur Pitt kishte veshur një jelek dhe këmishë të bardhë, në konferencën Clinton Global Initiative, në New York.
Një burim i afërt me çiftin ka zbuluar këtë “imtësi” për revistën Style Weekly: "Angelina vërtetë është zemëruar në atë konferencë. Madje i ka thënë Pittit se duket sikur banakier dhe ka kërkuar nga ai që ta përjashtonte stilistin e tij”.

Angelina, 32-vjeçare, njihet për stilin e saj shik, ndërsa për veshjen e saj përkujdeset butiku i njohur St John. Ndërsa Brad, 43-vjeçar, ka një stil më të thjeshtë, sipas rastit, stil të cilin e mban që nga martesa me aktoren Jennifer Aniston.

`slika` Beyonce prezanton modelin e saj të telefonit celular

A ekziston ndonjë gjë që nuk lidhet me emrin e bukuroshes Beyonce? Super-ylli i muzikës pop, aktorja dhe diva e modës, Beyonce Knowles, së fundi ka promovuar edhe telefonin e saj celular, B'Phone, që është promovuar në shitoren e Samsungut në New York.
Ky model është krijuar nga Knowles dhe ekspertët e Samsungut, ndërsa ngërthen një ekran me tematikë të Beyoncet, mundësinë për të shkarkuar foto ekskluzive të saj, video-klipe dhe këngë të fëmijërisë së saj.

"Kur isha 10 vjeçare, e kam incizuar këngën e titulluar 632-5792 – numër telefoni. Është pak këngë e sikletshme por e ëmbël. Në këtë model të telefonit adhuruesit e mi do të mund të shkarkojnë këtë këngë – si dhe shumë gjëra që mund t’i afrojnë më shumë me jetën time”, ka thënë Beyonce.