ViiiiiiiiiiPPPP

Mariah shokohet për hundën e rreme

Mariah Carey gati u tërhoq nga filmi "Tennessee" kur kuptoi që regjisori, Aaron Woodley, planifikonte të përdorte protezë që ta bënte atë të dukej e shëmtuar.

Pop-këngëtarja vendosi të luante kamerieren Krystal pas tërheqjes së Janet Jacksonit nga filmi, por ishte shokuar kur mësoi se duhej të mbante një hundë të rreme.

Një burim i brendshëm thotë se nga këngëtarja është kërkuar të mbajë edhe vetulla falso për filmin e ri.

“Mariah është person shumë i këndshëm për të punuar, të gjithë e duan. Por asaj nuk i pëlqen të duket e shëmtuar në rol. Kur e pa hundën ajo vendosi të mos luajë në film. Ajo dukej shumë e pasigurt për paraqitjen e saj”, ka thënë ky burim.

Megjithatë, përcaktimi i Careyt për të luajtur në një film të suksesshëm, e bëri që ajo të pajtohej për të bërë çkado që ishte e nevojshme për realizimin e filmit.

Refuzohet kërkesa e Winehouse për vizë hyrëse në SHBA

Amy Winehouse nuk do të mund të udhëtojë në SHBA për tu paraqitur në ceremoninë e ndarjes së çmimeve Grammy, gjatë të dielës, për shkak se i është refuzuar kërkesa për të marrë vizë hyrëse.

Këngëtarja britanike është e nominuar në katër kategori, por nuk do të mund të paraqitet për të kënduar ose për të marrë çmimet. Ambasada britanike u detyrua të refuzojë kërkesën e saj për të hyrë në Amerikë, pasi që ajo ishte arrestuar dhe gjobitur për posedim të marihuanës gjatë tetorit të kaluar në Norvegji.

“Fatkeqësisht aplikimi i saj për vizë është refuzuar këtë herë nga Ambasada Amerikane në Londër. Amy ka përparuar mirë që kur ka hyrë në klinikën e rehabilitimit, dy javë më parë dhe megjithëse është e zemëruar me vendimit, e ka pranuar dhe do të koncentrohet në shërimin e saj”, ka thënë zëdhënësi i këngëtares.

Fergie kundër fshehtësive

Fergie ka reaguar ndaj thashethemeve se është duke pritur fëmijë, ndërsa ka shfrytëzuar momentin për t’i sulmuar koleget e saj, Christina Aguilerën dhe Jennifer Lopezin, të cilat refuzojnë të tregojnë haptas se janë shtatzëna.

Anëtarja e grupit “Black Eyed Peas” thotë se nuk do ta kishte fshehur nëse do të ishte shtatzënë.

“Është çmenduri. Duket qartë kur një femër është shtatzënë, ndërsa ato prapë e mohojnë. Duket që iu pëlqen kujdesi i shtypit”, ka thënë Fergie.

Barton nuk ishte e popullarizuar në shkollë

Ish-aktorja e serialit "The O.C.", Mischa Barton nuk ishte e popullarizuar në shkollë, por nuk i linte përshtypje se çfarë mendonin tjerët për të.

22-vjeçarja pranon që nuk ishte një fëmijë “cool” gjatë viteve të saj të shkollës, por thotë se në shkollën e saj të artit të gjithë fëmijët ishin të ndarë në grupe.

“Nuk isha e popullarizuar. Shkoja në një shkollë të këndshme të artit ku shoqëria ishte e ndarë në grupe. Vetëm dy ose tre fëmijë qëndronin bashkë. Nuk e di arsyen e kësaj, por të tillë ishin fëmijët”, ka thënë Mischa.

Freeman: Ndihesha si prostitutë

Legjenda hollivudiane Morgan Freeman i ishte kapur alkoolit në fillim të karrierës së tij, pasi puna e tij jo-frymëzuese e kishte bërë të ndihej si prostitutë.

Fituesi i çmimit “Oscar” filloi të pinte gjatë viteve të shtatëdhjeta derisa punonte në shoun për fëmijë “The Electric Company”, të cilin e urrente pa masë.

“Ndihesha si prostitutë. Punoja, jo se më pëlqente puna, por më nevojiteshin paratë. Pas “epokës së alkoolit” e pash se ishte bërë një problem, dhe e lashë. Unë kam vetëkontroll. Nëse e shoh që duhet të ndryshoj diçka, e bëj”, ka thënë aktori i madh.

Ryan e gëzuar që adhurohet nga Brooklyn Beckham

Ylli i filmit "The Bionic Woman", Michelle Ryan ka zbuluar një adhurues të pazakonshëm, djalin e madh të Victoria e David Beckham.

Aktorja 23-vjeçare britanike, ishte tronditur kur ka mësuar që djaloshi 8-vjeçar Brooklyn ishte admirues i madh i serialeve klasike.

“Isha e befasuar kur Brooklyn kishte kërkuar të më takonte. Ai është i lidhur me shfaqjen. A s’është kjo e këndshme?”, kishte thënë Ryan

Grammy Awards do të ishte i mërzitshëm pa Winehouse

Producenti muzikor Mark Ronson shpreson që Amy Winehouse do të jetë e pranishme në ndarjen e çmimeve Grammy në Los Angeles gjatë të dielës, sepse evenimenti do të ishte "i mërzitshëm pa të".

Winehouse në kërkim të lejes për të hyrë në SHBA, me qëllim të merr pjesë në ceremoninë e Grammy Awards, ku është e nominuar në gjashtë kategori.

Ronson, i cili ka bashkëpunuar me Winehouse në albumin e saj “Back To Black”, thotë që Grammyt do t’i mungojë argëtimi pa praninë e 24 vjeçares. “Shpresoj që Amy do të vijë. Do të jetë mërzitshëm pa të”, ka thënë ai.

Winehouse është përzënë nga SHBA tetorin e kaluar, pasi ishte arrestuar dhe gjobitur për posedim të kanabisit në Norvegji.

Paltrow kthehet në besimin Kabbalah|

Gwyneth Paltrow thuhet se është rikthyer në besimin e mikeshës së saj Madonna, Kabbalah, pas thashethemeve që thoshin se ajo është sërish shtatzënë me fëmijën e tretë.

Aktorja është parë duke dalë nga Qendra Kabbalah në New York gjatë javës së kaluar, pasi që kishte qëndruar afro një orë në brendi. Një burim ka thënë se Paltrow është kthyer në besimin çifut, për të gjetur përgjigjen pas një viti mjaft të vështirë.

“Gwyneth ka vendosur se është koha ta provojë atë. Ajo kërkon diçka; kësaj here në Kabbalah. Ajo po i zbulon besimet e saj”, ka thënë një i afërm i aktores.

Lohan: Paparacët më bëjnë të dukem e dehur

Aktorja problematike, Lindsay Lohan, ka thënë se ajo portretizohet gabimisht si dikush që gjithmonë kalon kohën nëpër ndeja, sepse fotot e këqija e bëjnë dukjen e saj të dehur.

Aktorja është lodhur nga mediat të cilat flasin së tepërmi për reputacionin e saj prej një fëmije të egër, duke pohuar që ajo nuk pi aq shpesh sa edhe shkruajnë mediat.

Lohan ka kaluar verën e vitit të kaluar në qendër rehabilitimi, dhe 84 minuta në burg, pas dy aksidenteve nën ndikim të alkoolit. Stili i jetës së saj, i mbushur me plot ndeja, e ka futur në telashe edhe me shefin e Hollywoodit, pasi që ajo nuk e ka menaxhuar kohën siç është dashur.

Por ylli ua vë fajin fotografëve që e paraqesin pamjen e saj si të dehur gjatë tërë kohës.

Ajo ka thënë për revistën amerikane Harper's Bazaar, "Kamerat janë gjithmonë të pranishme, dhe ato gjithmonë kërkojnë anën negative. Vetëm një herë të rrotullosh sytë dhe të marrin si të dehur. Një hap i gabuar, një përdredhje e nyjës së këmbës, dhe jeni të dehur. Ata mund të deklarojnë, 'Lindsay e dehur në pikë të ditës!' E në fakt unë s’kam qenë asnjëherë në jetën time, në të vërtetë".

Ingrit GJONI, sonte në “Express Live”

Modelja, prezantuesja, aktorja dhe këngëtarja nga Shqipëria Ingrit GJONI, do të jetë e ftuara e radhës në emisionin “Express Live”. Së fundi skenës muzikore shqiptare ajo i ka sjellë këngën “Vitamina” me video-klipin e fundit që ka realizuar. Premiera kosovare e spotit “Vitamina” do të emetohet sonte në KTV, ndërsa në bisedën që do të zhvillojë sot në studio me njërin nga drejtuesit e emisionit “Express Live”, Dardan Selimaj, Gjoni do të shpalosë detaje për realizimin e projektit të saj të fundit. Muzika e këngës “Vitamina” është krijuar nga kompozitori i njohur Adrian Hila ndërsa për tekstin është shkruar nga Rozana Radi. Video-klipi është realizuar në Shqipëri ndërsa partner i këngëtares në të është një zezak. Sipas disa deklaratave dhënë mediave në Shqipëri, Gjoni e ka ndërmarrë këtë fakt, siç ka thënë ajo, “për shkak të thyerjes së racizimit në një lloj forme”. Detaje të tjera do të kuptoni në kuadër të rubrikës “Koha për mysafir”, sonte në “Express Live”.

Lista e Mr.Blackwell; Victoria Beckham – e famshmja që është veshur më së keqi gjatë

Ajo kapërceu atlantikun për t’u fokusuar në modë, por të martën anëtarja e grupit britanik “Spice Girl”, Victoria Beckham pësoi dështimin e saj të parë në Hollywood. Stilisti Mr. Blackwell e emëroi atë si të famshmen që është veshur më së keqi gjatë vitit 2007.

Ajo bashkë me familje u shpërngul në Los Anxhelos, vjet, duke shkaktuar bujë të madhe ndër media. Ndër gjërat kryesore që do të bënte Victoria ishte të promovonte veten si stiliste me një pasion të flaktë për modën.
Beckham, e cila është në një turne ribashkues me grupin ‘Spice Girls’, nuk është e vetmja ndër yje të shumtë që u përbuzën nga Blackwell.
Pas saj u radhit këngëtarja britanike Amy Winehouse me tatuazhet e shumta, minifundet e zakonshme si dhe flokët e lidhura gjithnjë në të njëjtën mënyrë.
Vendi i tretë nga 10 të famshmet të veshura më së keqi gjatë vitit 2007 i takon aktores Mary-Kate Olsen. Stili i komplikuar i së cilës është vështirë të shpjegohet kishte thënë Blackwell.
"Ajo duket sikur një rrëmojcë e kurthuar në një uragan" shtoi ai.
Blackwell përpilon listën e tij me femrat e veshura më së keqi që 48 vjet me radhë. Ai filloi karrierën më 1950, pati linjën e tij të veshjeve për 35 vite me radhë dhe disenjoi për yje të mëdhenj si Jayne Mansfield, Peggy Lee dhe Jane Russell.
Sipas tij, viti që lamë pas ishte një ndër vitet më katastrofik për modën që mbahen në mend ndonjëherë.
Ndër të famshmet të veshura më së keqi gjatë vitit 2007 hynë edhe këngëtaret Fergie dhe Kelly Clarkson, të cilat u radhitën në pozitat 4 dhe 5 të kësaj liste.
Por pavarësisht gjithë këtyre gabimeve në modë, Blackwell përmendi disa yje që janë dukur bukur gjatë vitit 2007, përfshirë këtu Madonën, Barbra Streisand, Elizabeth Taylor-in madje edhe Mbretëreshën e Anglisë Elizabeth, për të cilën Blackwell tha se “kishte arritur të freskonte imazhin e ngurrtë”.
Lista e të famshmeve që janë veshur më së keqi gjatë 2007-ës duket kështu:
1. Victoria Beckham
2. Amy Winehouse
3. Mary Kate Olsen
4. Fergie
5. Kelly Clarkson
6. Eva Green
7. Avril Lavigne
8. Jessica Simpson
9. Lindsay Lohan
10. Alison Arngrim

Fergie: “Kam frikë mos i zbuloj detajet rreth martesës pasi shpesh flas shumë”

Këngëtarja e grupit “Black Eyed Peas”, Fergie dëshiron t’i mbajë të fshehta të gjitha detajet lidhur me martesën e ardhshme me Josh Duhamel-in. Por, ajo ka frikë se do t’i shpëtojë goja dhe do t’i tregojë të gjitha.

Çifti ka bërë të ditur se është fejuar në ditën e Krishtlindjeve.
"Jam shumë e emocionuar. Por nuk do të jap asnjë detaj tjetër”, ka thënë ajo duke shtuar se mund të ndodhë që në të ardhmen të tregojë ndonjë gjë për shkak se flet shumë dhe shpesh nuk mund të përmbahet.

Eva Longoria nën presion për t’u bërë nënë....

Eva Longoria duket të jetë nën presion që të bëhet nënë ngase bashkëshorti i saj dëshiron që fëmijët e tij të shohin të atin duke luajtur basketboll në mënyrë profesionale.

Ylli i ekipit “San Antonio Spurs”, Tony Parker ka frikë se do të bëhet shumë i vjetër për të luajtur profesionalisht nëse ai dhe gruaja e tij presin një kohë të gjatë që të bëhen prindër.
"Tony dëshiron që fëmijët e tij ta shohin atë duke luajtur”, është shprehur Longoria.
Por ajo ka mohuar thashethemet sipas së cilave ajo tashmë është shtatzënë, duke thënë se vetëm është trashur paksa. Aktorja latine ka pranuar se ka shtuar peshë për shkak të ndërprerjes së punës në serialin televiziv ‘Desperate Housewives’, si rrjedhojë e grevës së skenaristëve në Hollywood.

Lopez i jep fund bashkëpunimit me menaxherin, ky i fundit e quan atë “joprofesionale

Jennifer Lopez i ka dhënë fund bashkëpunimit me menaxherin Irving Azoff. Lopez ka thënë se ajo ka shkëputur kontratën me producentin e muzikës, i cili është përgjegjësi kryesor për suksesin e super grupeve “the Eagles” dhe “Van Halen” si dhe këngëtarit britanik “Seal”.

Zëdhënësi i këngëtares dhe aktores ka thënë se bashkëpunimi në mes tyre ka përfunduar pa ndonjë telashe të madhe. Por burimet thonë se Azoff ka braktisur artisten për arsye të joprofesionalizmit në punë si dhe për shkak se ka lejuar që bashkëshorti i saj Marc Anthony "vazhdimisht të përzihet" në karrierën e saj – kështu ka raportuar ueb faqja TMZ.COM. Thuhet se Azoff i ka dërguar një letër Lopez-it duke i treguar arsyet pse i ka dhënë fund marrëdhënies së punës me të.

Spears e zhveshur “shokon” shitësit

Britney Spears ka tronditur stafin e një dyqani në Kaliforni, të dielën, me të dalë nga zhveshtorja tërësisht e zhveshur.
Një ditë përpara se një gjykatës në Los Anxhelos ka refuzuar të anuloj vendimin sipas së cilit Spears-it nuk i lejohet të shoh fëmijët një muaj, këngëtarja bëri një skandal në një butik. Spears dhe i dashuri i saj i ri, paparaci Adnan Ghalib kishin shkuar në një butik me ç’rast Spears kishte marrë një fustan për të provuar. Ajo kishte hyrë në zhveshtore por me t’u ri-paraqitur ajo tronditi të gjithë pasi që nuk kishte të veshur as fustanin as rrobat me të cilat kishte hyrë në dyqan.
Një punonjëse e atij butiku i ka deklaruar revistës “Life & Style”: “Kam mbetur pa fjalë. Ajo ishte përpara meje tërësisht e zhveshur. Iu afrova për ta mbulur me një fustan por ajo më tha të largohem”. . dëshmitarët thonë se Spears dhe Ghalib kanë kaluar 30 minuta në një dhomë të butikut përpara se të largoheshin.
"Nuk kuptoja asgjë çfarë ajo thoshte, ajo fliste në aksentin britanik. Doja ta ndihmoja për ajo u sjell aq keq sa që e lash vetëm " ka deklaruar një tjetër dëshmitar.
Kjo skenë bizare ndodhi gjatë vikendit kur Spears ishte parë me të dashurin e ri, e veshur me njërin prej fustaneve që kishte veshur ku ishte martuar me Kevin Federline, më 2004

etno engjujt

Rep grupi kosovar “Etno Engjujt” ka realizuar video-projektin më të ri “All night”. Kënga është pjesë e albumit të fundit të grupit “10-she”, me të cilin ai ka shënuar 10 vjetorin e formimit, vjet. Muzika dhe teksti i këngës janë realizuar nga anëtarët e grupit “Etno Engjujt” të cilët këtë radhë kanë zgjedhur të bashkëpunojnë me rep-grupin K-OS, Lyrical Son dhe vokalistin e daullexhiun e grupit NRG, Besnik Çaka. Video-klipi “All night” është realizuar nga produksioni kosovar “Pulla”.

Publicisti Ismet Rashiti reagon ndaj deklaratës së Alban Skëndreajt

Deklarata e këngëtarit nga Shqipëria Alban Skënderaj se shkrimi i publicistit Ismet Rashiti lidhur me mbarëvajtjen e festivalit të RTSH-së “ka qenë politikë dhe aspak artistik” ka zgjuar reagim tek publicisti kosovar që jeton në Zvicër, Ismet Rashiti. Duke mohuar të ketë diçka personale me Skënderajn, publicisti Rashiti vlerëson se deklarata e këngëtarit ka qenë një përpjekje për të justifikuar veprimin e tij të turpshëm dhe aspak kulturor. Tutje në këtë reagim të tij, ai ka shkruar se me votën e tij dhe prononcimet publike, Skënderaj gjithnjë e më shumë po nxjerrë në sipërfaqe diletantizmin e tij dhe nivelin e ulët kulturor. I zënë ngushtë në mungesë të fakteve, Skënderaj është përpjekur t'i justifikoi veprimet e tij me një fjalor të nivelit të ulët e aspak kulturor, shkruhet ndër të tjera në reagimin e publicisti kosovar Ismet Rashiti.
E tëra kjo ka të bëjë me bujën e madhe që ka krijuar festivali i RTSH-së në fund të vitit të kaluar, shkaktar të së cilës ishin Alban Skënderaj dhe Gjergj Xhuvani. Skënderaj dhe Gjuvani, dy prej anëtarëve të jurisë në festivalin e këngës shqiptare në RTSH, nuk i kishin dhënë asnjë pikë këngës “Jeta kërkon dashuri” në interpretim të këngëtareve kosovare, Flaka Krelani dhe Doruntina Disha. Ndonëse deri në fund kryesonte me pikët e mbledhura, votimi i tyre ndikoi që kjo këngë të mos shpallet fituese. Pra, kjo ishte arsyeja pse vajzat kosovare nuk arritën të fitonin festivalin e RTSH-së, fituesi i të cilit përfaqëson Shqipërinë në festivalin evropian të këngës. Paraqitja e tyre do të ishte historike, pasi që festivali sivjet mbahet në Beograd.

R E A G I M I
“Në emisionin "Express" të datës 23 janar 2008 në një prononcim publik, Alban Skenderaj është përpjekur të justifikojë veprimin e tij të turpshëm dhe aspak kulturor, duke e quajtur shkrimin tim " vlerësim politik e jo artistik" dhe sllogan "idiot". Në të vërtetë në shkrimin tim asgjë nuk ka politike e aq më tepër sllogane të tilla siç i quan Skenderaj. Më duhet të them se nuk kam asgjë personale me Skenderajn e as që jemi takuar ndonjëherë, po thjesht si një shikues më ka befasuar me qëndrimin e tij tendencioz dhe në mos tendencioz, klanor e politik ndaj këngës "Jeta kërkon dashuri", kënduar nga Doruntina Disha dhe Flaka Krelani. "Bjen një
kashtë e dalin gjashtë"-thot populli. Me votën e tij dhe prononcimet
publike, Skenderaj gjithnjë e më shumë po nxjerrë në sipërfaqe
diletantizmin e tij dhe nivelin e ulët kulturor. I zënë ngushtë në mungesë të fakteve, Skenderaj është përpjekur t'i justifikoi veprimet e tij me një fjalor të nivelit të ulët e aspak kulturor. Me prononcimin e tij në KTV, Alban Skenderaj me gojën e tij dëshmoi edhe njëherë se sa i paarsyeshëm, sa i njëanshëm dhe sa politike ka qenë në vota e tij. Në fund për hir të opinionit dhe shikuesve të shumtë të KTV-së, më duhet t'i them Skenderajt se në shkrimin tim me titull "Gjergji dhe Skenderaj faqja e zezë e festivalit", nuk ka pasur asgjë "politike" e as "slogane idiote", por ka qenë një vlerësim i drejtë artistik dhe i paanshëm që ka pasqyruar dëshirat e miliona artdashësve shqiptarë nga të gjitha trojet të cilët ju me votën tuaj të mjerë i zhgënjyet tej mase. Zoti Skenderaj, ishte vota juaj politike dhe vlerësimi juaj tendencioz që përmbysën vlerat më të mira artistike dhe këngën e cila me siguri do t'ia sillte Shqipërisë "Eurosong"-un në Tiranë” ka shkruar Rashiti në këtë reagim.

Britney Spears sërish përfundon në spital..!!

Lajmet e fundit për pop yllin amerikan flasin për dërgimin e saj urgjent nga policia në një spital në Los Anxhelos. Kështu ka njoftuar gazeta amerikane ‘Times’. 26 vjeçarja ishte futur në veturën e ndihmës së shpejtë, duke u përcjell nga 10-tra motoçikleta të policisë, dy makina policie dhe 2 helikopter, ka bërë të ditur kjo gazetë. Ajo ishte dërguar në spitalin UCLA pasi që policia ishte thirrur nga psikiatri i saj. Policia e Los Anxhelosit nuk deshi të konfirmonte këto raportime. Pop ylli jeta personale e së cilës ka dalë jashtë kontrolli në këto 12 muajt e fundit, humbi kujdestarinë e dy djemve të saj Sean Preston, 2 vjeç dhe Jayden James, 1 vjeç, por i është lejuar ti vizitoj ata 3 herë në javë nën mbikëqyrje të personelit gjyqësor. Këto të drejta vizite ishin anuluar me 4 janar pasi që ajo kishte refuzuar t’ia kthente fëmijët truprojës së ish bashkëshortit Kevin Federline, i cili tash ka kujdestarinë e plotë të tyre. Kjo episod e jetës dramatike të këngëtares kishte përfunduar me dërgimin e saj në spital ku qëndroi dy ditë. Britney Spears mund të ketë probleme në jetën e saj emocionale, por të paktën ka një palë rrota të reja. Këngëtarja problematike sapo ka blerë një veturë të re të markës Mercedes, dhe natyrisht ka provuar atë nëpër rrugët malore mbi qytetin Los Anxhelos. Për fat të keq kishte paksa probleme për ta kthyer veturën dhe përfundoi duke kërkuar ndihmë nga disa paparazzë.

Britney Spears

Ariana Cena – një shqiptare imazh i firmave Nike dhe Puma

Nuk janë pak, por shumë emra djemsh e vajzash të reja shqiptare, që sot janë bërë imazhe të disa kompanive prestigjioze kudo në bote. Më e fundit prej tyre është Ariana Cena.

Ndonëse ka lindur në Kosovë, ajo jeton prej vitesh në Gjermani dhe ka mundur që të ndërtojë atje një karrierë që çdo bashkëmoshatare e saj do ta kishte zili.

Ne vitin 2002 ajo nisi hapat e parë në fushën e modelimit. Ftesa i erdhi krejt papritur nga një fotograf, i cili e ndihmoi të realizonte një set të plotë fotografish për firmën "C&A".

Pas kësaj Ariana bashkëpunoi me fotografë të ndryshëm në Gjermani, duke punuar për firmat "Nestle", "Skechers", "Ramazzotti", "LG Model Contest" dhe së fundi ka nënshkruar kontratën për markat e njohura sportive "Puma" dhe "Nike", njofton gazeta Korrieri.

Ariana është bërë e njohur në Shqiperi përmes pjesëmarrjes si konkurrente këngëtare në edicionin e katërt të "Top fest", ndërsa shumëkush në Kosove e identifikon atë si vajzën bukuroshe që ka kërcyer në klipin e Big Mamës me titull, "Video seksi".

Minogue: Me Martinez jemi vetëm miq|

Këngëtarja australiane, Kylie Minogue, ka mohuar fjalët që qarkullojnë se ajo ka rifilluar lidhjen me ish-të dashurin e saj, aktorin francez Olivier Martinez.

Dyshja u ndanë gjatë vitit të kaluar, pasi që Martinez ishte fotografuar duke u puthur me aktoren spanjolle Penelope Cruz. Por kohëve të fundin u shkrua se ata ishin sërish së bashku, pasi që ishin parë një takim romantik në Paris, gjatë fundit të javës së kaluar.

“Kisha një darkë me ish-të dashurin tim dhe gjëja e ardhshme që dëgjoj është debati nëse do të kemi familje. Nuk kemi biseduar rreth kësaj. Siç kam thënë më herët, ne jemi vetëm miq”, ka thënë Minogue

50 Cent: Nuk jemi të gatshëm për president afro-amerikan

50 Cent, është i merakosur se kandidati afro-amerikan për president të Shteteve të Bashkuara të Amerikës, Barack Obama, mund të vritet nëse i fiton zgjedhjet.

Këngëtari i njohur me hitin “In Da CLub”, beson se Amerika nuk është e gatshme për një lider me ngjyrë, andaj ai ka vendosur të përkrahë rivalin tjetër demokrat të Obamës, Hillary Clinton.

“Mendoj se mund ta vrasin atë”, ka thënë reperi në një emision në MTV. Reperi në dhjetor të vitit të kaluar argëtoi afro 25 mijë adhurues të muzikës së tij, në një koncert të organizuar në Prishtinë.

Knightley nxjerr në ankand fustanin e filmit "Atonement"

Aktorja Keira Knightley ka nxjerrë në ankand fustanin e gjelbër të cilin e kishte veshur në filmin e nominuar për Oskar, "Atonement", derisa fitimet do të shkojnë për bamirësi të fëmijëve.

Fustani të cilin 22-vjeçarja e kishte veshur në një skenë të nxehtë në librari është në shitje në ueb faqen e një Fondacioni bamirësie. Organizata shpreson që në këtë mënyrë të shtojë edhe më shumë para në fondin e saj. Ankandi, që aktualisht është në kuotën e 3 mijë eurove, do të vazhdojë deri më 1 mars.

Tuna dhe Adrian Gaxha konkurrojnë për në Eurovision

https://2img.net/r/ihimizer/img98/7/34852364rj8.jpg

Ethet e Eurovisionit kanë mbërthyer Maqedoninë. Ndërsa në Shqipëri Festivali në Radio Televizion shpalli si fituese këngëtaren Olta Boka, me këngën "Zemra kërkon dashuri", që do të shkojë në Eurovision në shtetin fqinj ende nuk është vendosur përfaqësuesja.

Pikërisht në këtë festë të madhe të muzikës kanë shprehur dëshirën të konkurrojnë jo pak këngëtarë maqedonas. Mes tyre, siç bën të ditur Bluetooth, edhe dy këngëtarët shqiptarë Tuna dhe Adrian Gaxha, të cilët kanë zgjedhur një nga këngët e tyre më të mira për konkurrim.

https://2img.net/r/ihimizer/img98/7652/31ox3.jpg

Edhe pse rruga është ende e gjatë dëshira jonë është që Maqedonia të përfaqësohej me njërin prej tyre, çka do të thoshte se në Festivalin e madhe Evropian do të jenë jo një, por dy këngëtarë shqiptarë

Katharine McPhee martohet me producentin

Katharine McPhee është martuar me producentin Nick Cokas gjatë të shtunës, kur i ndërruan unazat në një ceremoni kishtare në Beverly Hills.

“Nicku është dashuria e jetës sime”, ka thënë Katharine. “Kjo ndodh vetëm një herë në jetë dhe është e përkryer”. McPhee pati të veshur një fustan të Manuel Mota dhe bizhuteri të Neil Lane, ndërsa Cokas kishte veshur një komplet nga Armani.

Aktorja dhe këngëtarja 23-vjeçare dhe producenti 42-vjeçar, ishin njohur më 2005 në një teatër të Los Angeles, gjatë interpretimin në “The Ghost and Mrs. Muir”, ndërsa u fejuan vitin e kaluar pa bërë shumë zhurmë.rmë.