Rrezikohen shënimet e Leonardo Da Vinçit

Rrezikohen shënimet e Leonardo Da Vinçit

Rrezikohen shënimet e Leonardo Da Vinçit Myku ka sulmuar të famshmen Codex Atlanticus, përmbledhjen më të madhe vizatimeve dhe shënimeve të maestros së madh të renesancës, Leonardo Da Vinçit, mirëpo mungojnë paratë për të zgjidhur këtë problem.
''Myku nuk po shpërndahet tutje”, ka thënë monsinjor Marco Navoni, historian në bibliotekën Ambrosiani, në të cilën ruhen këto dokumente të çmuara.

''Kërkojmë sponsorë të cilët do të paguanin analizën e nevojshme për të përcaktuar terapinë, e më pas edhe trajtimin. Do të jetë shumë shtrenjtë”, ka thënë Navoni.

Codex në 1.200 faqe përmban përmbledhje të vizatimeve dhe shënimeve të cilat mjeshtri i ka punuar nga viti 1478 deri më 1519, dhe kanë të bëjnë me tema të ndryshme – që nga mekanizmat fluturues deri tek armët, matematika e botanika.

Përmbledhja ruhet në bodrumin e bibliotekës Ambrosiane, në të cilin lagështia dhe temperatura vazhdimisht kontrollohen.