Këngëtarja Melanie Brown, ka hedhur poshtë thashethemet se grupi Spice Girls është ndarë për shkak të përçarjes në mes të saj dhe anëtares tjetër, Geri Halliwell.
Këngëtarja fuqimisht ka mohuar fjalët se një vazhdim i një zënke të vjetër mes tyre, ka çuar edhe në ndërprerjen e parakohshme të turneut botëror të grupit, duke thënë se ribashkimi kishte krijuar një lidhje të fortë mes tyre.
“Çdokush e di se Geri dhe unë kemi pasur problemet tona në të kaluarën, pasi që në skenë ishim të pandara dhe kjo nuk mund të zgjatë përgjithmonë, por pas një kohe të kaluar ndaras dhe pas ribashkimit, ajo ka qenë një gjë e mbyllur. Ne kemi një lidhje vërtet të fortë”, ka thënë Mel B.