Gjatë vitit të kaluar Hewlett-Packard (HP) ka prodhuar më shumë se 200 milionë gëzhoja për ngjyra nga materialet e ricikluara. Më së shumti janë përdorur shishet e vjetra të ujit, dhe me këtë i është kryer një shërbim i madh mjedisit.
Kompania për përpunimin e gëzhojave të ngjyrës ka përdorur mbi dymijë e pesëqind tonë të plastikës së ricikluar, njoftojnë nga HP.
Kompania me bazë në Palo Alto të Kalifornisë planifikon të përdorë më së paku pesë mijë tonë të plastikës së ricikluar gjatë këtij viti.
"HP ka punuar pesë vjen në recetën për shfrytëzimin e ambalazheve që kthehen për përpunimin e gëzhojave për ngjyrë të cilat përmbushin të gjitha standardet e sotme", ka thënë Ken Fleming, drejtor i marketingut.
Sipas tij, gëzhojat e ngjyrave përbëhen së paku prej 70% të plastikës së ricikluar, derisa disa prej tyre janë të përpunuara në tërësi.