Robben: Do të prisni më shumë nga unë

Anësori holandez i Real Madridit, Arjen Robben, në një konferencë shtypi gjatë ditës së sotme ka thënë se rikthimit i tij në ndeshjen e djeshme ka qenë vetëm fillimi.
“Jam shumë i lumtur me paraqitjen time, por e di se mund të bëj më shumë. Nuk kam luajtur ende mjaft dhe gjithmonë është vështirë të rikthehesh nga lëndimi. Mendoj se do të mund t’ia dal më mirë”, ka thënë Robben.

Real shënoi fitore të thellë prej 7-0 në ndeshjen e djeshme ndaj Valladolid, që e ngrit në tetë diferencën e pikëve me vendin e dytë, Barcelonën. Robben tregoi një ndeshje mjaft të mirë, ndërsa shënoi edhe njërin nga shtatë golat, të tretin.