Ibrahimoviq: Referat janë kundër meje

Ibrahimoviq: Referat janë kundër meje!!!

Ylli i Interit, Zlatan Ibrahimoviq, është kundërpërgjigjur ndaj atyre që thonë se kampioni i Italisë po favorizohet nga referat, duke thënë se e vërteta është e gjitha ndryshe, pasi që zyrtarët gjithmonë e ndëshkojnë atë pa arsye.
Zikaltrit kanë dominuar mediat sportive gjatë javëve të fundit, pas fitoreve të dyshimta ndaj Parmës dhe Empolit, si rezultat i penaltive kontroverse. Dyshime pati edhe gjatë ndeshjes së mbrëmshme, kur Esteban Cambiasso shënoi gol nga një pozitë e dyshimtë jashtë loje.

“Gjithmonë dëgjojmë tregime se referat na ndihmojnë dhe nuk i kuptoj. Gjithmonë kam luftuar me ta që kur kam ardhur në Itali. Gjithmonë më fishkëllejnë dhe kjo ndodhi edhe kundër Catanias. Nuk i kuptoj. E vetmja gjë që mund të bëj unë dhe ekipi im, është të fitojmë dhe këtë edhe e bëjmë”, ka thënë suedezi
[b]