Putin: Mbështetja për pavarësinë e Kosovës, e pamoralshme dhe e kundërligjshme

Përkrahja për shpalljen e njëanshme të pavarësisë së Kosovës është e pamoralshme dhe e kundërligjshme, ka deklaruar të enjten presidenti i Rusisë, Vladimir Putin.
"Tërësia territoriale e shteteve është e përcaktuar me parimet themelore të së drejtës ndërkombëtare - ekziston Rezoluta 1244 e Këshillit të Sigurimit të Kombeve të Bashkuara e cila flet për tërësinë territoriale të Serbisë - dhe të gjithë anëtarët e KB-së duhet t’i respektojnë këto zgjidhje”, ka deklaruar Putin në një konferencë për media në Moskë.

Duke “u angazhuar” për respektimin e parimeve unike, Putin, sipas Tanjugut, i ka pyetur evropianët se - “a nuk iu vije turp që për çështjet e njëjta, në rajone të ndryshme të botës, qaseni me standarde të dyfishta?”