Milan humb Ronaldon, për pak edhe ndeshjen

Ronaldo ka pësuar dëmtim të rëndë në këmbën e djathtë gjatë barazimit të Milanit ndaj Livornor me rezultat 1-1 dhe do të përballet me qëndrim nëntëmujor jashtë fushe.
Milan ka konfirmuar lëndimin e Ronaldos menjëherë pas ndeshjes, të cilin e pësoi sapo hyri në lojë si zëvendësues në pjesë e dytë, ndërsa shpejt është dërguar në spital.

Momenti i lëndimit të Ronaldos ishte edhe penalti për Milanin, të cilën mesfushori Andrea Pirlo e shndërroi në gol (61’), duke barazuar kështu pas golit të parë të pësuar nga Nico Pulzetti dhjetë minuta më herët (50’).

Me pikën e fituar Milan mbledh 37 pikë dhe mbetet në vendin e pestë, me një më pak se vendi i katërt, që dërgon në Ligën e Kampionëve dhe ku ndodhet Fiorentina. Livorno mbledh 23 pikë dhe gjendet në vendin e 14-të.