Chizov: Shtetet që njohin Kosovën do të ballafaqohen me pasoja

Ambasadori i Rusisë në BE, Vladimir Chizhov, ka deklaruar se të gjitha shtetet që njohin pavarësinë e Kosovës do të kenë pasoja negative në marrëdhëniet e tyre me Moskën.
"Kjo para se gjithash ka të bëjë me Bashkimin Evropian, që nuk ka konsensus rreth kësaj çështjeje. Natyrisht do të kishte efekte negative për ato shtete të cilat njohin pavarësinë e Kosovës. Cilat janë ato, nuk dua të them", ka thënë Chizhov, në një intervistë për gazetën austriake “Presse”.

Sa i përket shpalljes së pritur të pavarësisë së Kosovës, ai ka thënë se nëse një gjë e tillë ndodhë – “do të vije deri të destabilizimi i gjerë i regjionit”.

"Reaksioni në anën serbe mund të parashikohet dhe është e pritshme që 100 mijë serbë të mbetur në Kosovë, nuk do të pranojnë një gjë të tillë. Dhuna nuk mund të përjashtohet”, ka thënë ai.

Ndërkaq kryetari i Dumes ruse, Boris Grizlov, ka paralajmëruar mundësinë që ky organ ligjvënës rus, të premten, të nxjerrë një deklaratë të posaçme për Kosovën.