Adriano rrezikon 18 muaj suspendim

Sulmuesi i Interit, Adriano, i cili aktualisht është i huazuar tek ekipi brazilian, Sao Paolo, rrezikon të pësojë një suspendim për një kohë gjatë, pas një reagimi josportiv në ndeshjen ndaj Santos.
Gjatë javëve të fundit, Adriano ngadalë është rikthyer në formën e mëhershme, e cila i solli atij aq shumë sukses në Itali, por rasti i fundit mund ta dëmtojë seriozisht karrierën e brazilianit. Ai u dërgua jashtë loje, gjatë ndeshjes kundër Santos, pasi që goditi me kokë lojtarin kundërshtar, Domingos.

Gjatë të hënës së ardhshme do merret vendimi rreth sanksionimit të tij, por incidenti duket të ketë kaluar limitet e lejuara, duke rrezikuar një përjashtim prej tre lojërave deri në 18 muaj, megjithëse kjo do të jetë e vlefshme vetëm për ligën Paulista, kështu që ai mund të luajë në garat tjera.

“Nuk e di se çfarë pa referi. Lojtari kundërshtar vendosi dorën e vet në fytyrën time dhe unë e pyeta se pse e bëri këtë gjë”, është mbrojtur Adriano