Daniel Alves: Ende dua të largohem nga Sevilla

Mbrojtësi brazilian i Sevillas, Daniel Alves, gjatë një interviste për sport.es ka folur për të ardhmen e tij, duke thënë se dëshirë e flaktë e tij është kalimi në një klub të madh, siç është Barcelona.

“Sevilla është një klub i madh, por shpresoj që një ditë të luaj për një prej klubeve më të mira në botë, një klub i cili gjithmonë qëndron në ballë të frontit dhe lufton për tituj”, ka thënë Alves.

“Barcelona? Po, është një prej tyre, aty nuk ka dyshim. Është në mesin e më të mirëve, por ka edhe shumë klube tjera. E rëndësishme është që presidenti të më shesë në një nga këto klube. Nëse jo, atëherë do të duhet të pres të përfundojë kontrata ime”, ka shtuar braziliani.