Automjeti më i lirë në botë, vjen në Evropë pas katër vitesh

Tata Nano në muajin tetor do të fillojë të prodhohet në Indi, ku do të shitet për çmimin rreth 1.700 euro. Për këtë kemi shkruar edhe më parë, për shkak të interesimit të lexuesve, megjithatë ky interesim ka rënë kur është bërë e qartë se Nano nuk i plotëson kushtet për importim në Evropë.
Por së fundi nga kompania Tata vijnë paralajmërimet se po punohet në zhvillimin e trashëguesit të këtij modeli, i cili do të ketë siguri më të avancuar, motor më të fuqishëm, në pajtim me të gjitha normat ekologjike, frena më të mirë, si dhe ndryshime vizuale, dhe se ky version do të arrijë t'i përmbushë të gjitha kushtet evropiane.



Për çmimin e lartpërmendur ende nuk është thënë gjë, prandaj mbetet pikëpyetje nëse edhe pas katër vitesh Tata Nano do të kërkohet po aq sa sot.