Horoskopi Mujor

Dashi
Të lindurit në shigjetën e dashit duhet të jenë shumë të kujdesshëm gjatë muajit shkurt, pasi që nuk e kanë përkrahjen e yjeve. Nëse dëshironi të filloni ndonjë biznes të ri, atëherë shkurti nuk është muaji ideal, por duhet të prisni për ditë më të mira. Këtë muaj mund ta shfrytëzoni për të projektuar ide dhe plane për të ardhmen e afërt – që mund të jenë shumë të dobishme. Kujdes më të madh duhet të keni ndaj kolegëve të punës – mund të flisni fjalë të cilat do të tingëllojnë negativisht tek ata dhe mund të vijë gjerë tek konflikti i padëshirueshëm. Po ashtu duhet të keni kujdes se si debatoni me partnerin, pasi që gjatë kësaj periudhe, nuk do të jeni në gjendje ta kuptoni. Personat e lirë të kësaj shenje, e kanë një javë të mirë përpara, nga 19 deri më 27 shkurt, kur mund të njoftojnë persona të rinj, të cilët më vonë edhe mund të jenë partnerët e tyre


Demi
Duhet të jeni më të kujdesshëm në aspektin financiar – mos jini shumë dorëlirë pasi që mund të shpenzoni më shumë se sa fitoni. Megjithatë, para se gjithash duhet të analizoni situatën dhe të pajtoheni me vetveten - nëse do të vazhdoni karrierën aty ku jeni - apo do të përgatiteni për ndryshimet e radhës. Prej datës 7 shkurt e tutje, do të keni mbështetjen e yjeve për të filluar ndonjë angazhim të ri në biznes. Megjithatë, nervat tuaja mund të vihen në pikëpyetje kur bëhet fjalë për financa. Shpesh do ta pyesni vetën nëse ia ka vlejtur që të merreni me atë biznes, që më shumë ka marrë nga ju, se që ju ka dhënë. Sa i përket sferës së dashurisë, ky muaj mund t’ju sjellë harmoni e lumturi. Asgjë nuk e bën njeriun më të lumtur se dashuria – andaj shfrytëzojeni këtë muaj për t’i shprehur ndjenjat tuaja të thella që keni për partnerin. Po ashtu muaji shkurt mund të jetë fatlum edhe për personat e lirë të kësaj shenje – të cilët mund ta takojnë personin e ëndrrave.


Binjakët
Gjatë muajit në vijim mund të ballafaqoheni me mospajtime në punë ose rreth financave. Sigurisht se do ta fajësoni vetveten pse nuk keni punuar me vëmendje siç është dashur dhe pse keni nënshkruar ndonjë kontratë pa e lexuar në detaje. Gjërat të tilla mund t’ju sjellin në pozita të palakmueshme gjatë këtij muaji. Sidoqoftë, prej datës 18 shkurt, gjërat do të fillojnë të normalizohen. Më shumë kujdes duhet t’iu kushtoni gjërave të cilat në shikim të parë, mund të mos duket shumë të rëndësishme, por sigurisht se kanë peshën e vet më vonë. Gjithashtu duhet të përpiqeni që të shmangeni nga mosmarrëveshjet brenda kolektivit tuaj. Edhe në sferën e dashurisë do të keni disa tema që duhet trajtuar me urgjencë. Prej partnerit do të kërkoni që të jetë më i sinqertë me ju dhe do të dëshironi të zbuloni çdo gjë. Personat e lirë të kësaj shenje do të kenë raste për takime dhe njoftime interesante – mirëpo kujdes, zgjidhni vendet ku do t’i njoftoni këta persona.


Gaforrja
Muaji në vijim nuk është gjithaq frytdhënës në profesionin tuaj. Nga ju mund të kërkohen disa ndryshime me të cilat ju vështirë se mund të pajtoheni. Nga binarët e biznesit të mbarë mund t’ju nxjerrin disa shpenzime të paparashikueshme. Përpiquni që pas datës 11 shkurt të mos bëheni shumë agresiv në punë, është një periudhë kur mund të krijojnë përshtypje të gabuara për ju. Përpiquni që më qetësi t’i sqaroni problemet dhe do të kuptoni se ka njerëz të tjerë që mund t’ju mbështesin në kolektiv. Do të shihni se nuk jeni vetëm ju ai që ofron ndihmë. Në sferën e dashurisë mund të keni konfrontime të papritura me partnerin. Mund të gaboni me vlerësimin tuaj se partneri nuk ka ndjenja – të gjitha këto mund t’i sqaroni vetëm me bisedë të hapur dhe pa dorëza me partnerin. Madje kjo krizë kalimtare mund ta zhvillojë lidhjen tuaj, ta bëj atë më të formë, dhe t’ju bëj edhe më të lumtur dikur. Personat e lirë të kësaj shenje shpesh mund të krijojnë përshtypjen se kanë njoftuar një person ideal në jetë – por më vonë do të binden se kanë mashtruar.


Luani
Përpara keni një kohë që do t’ju sjellë mjaft ndryshime në jetë. Ky muaj mund t’ju sjellë shumë fat në punë, por fillimisht duhet ta përgatisni veten për ndryshime që mund të ndodhin. Para së të merrni përsipër ndonjë detyrë, obligim e madje edhe biznes të ri, duhet të kalkuloni mirë nëse mund ta kryeni deri në fund. Gjithashtu duhet të hiqni dorë nga dominimi në kolektiv, ose edhe polemikat e panevojshme. Lejoni edhe të tjerët të flasin dhe t’i shprehin lirshëm idetë e tyre – ngase vetëm në këtë mënyrë do të fitoni poenë të mjaftueshëm në kolektiv. Në sferën e dashurisë shpesh mund të ballafaqoheni me ndjenjën sikur jo gjithçka është duke shkuar mirë me partnerin. Sa herë që gjendeni para mosmarrëveshjeve në lidhjen tuaj intime, përpiquni që përmes bisedës të arrini harmoninë dhe ta forconi lidhjen tuaj. Personat e lirë të kësaj shenje kanë synim të gjejnë një lidhje serioze, por fatkeqësisht shumë më shumë do të jenë të prirë që t’i njoftojnë personat për një aventurë të rastit.


Virgjëresha
Gjatë muajit në vijim mund të ballafaqoheni me një situatë të tensionuar në punë dhe në profesionin tuaj. Do të jeni të gatshëm të merrni shumëçka mbi supet tuaja, dhe kjo do të vërehet sidomos në periudhën, 7 deri më 15 shkurt. Megjithatë, përkundër angazhimeve të shumta, do të kuptoni se mund t’ia dilni mbanë të depërtoni në sipërfaqe, dhe nuk do të hiqni dot nga angazhimi. Po që se tregoheni më të matur dhe më të mençur, atëherë as suksesi nuk do t’ju mungojë, dhe do ta keni rastin tuaj për t’u ngjitur sa më lartë në hierarkinë e kolektivit. Shfrytëzojini rastet që do t’ju ofrohen, nuk do të pendoheni. Duhet të jeni të hapur për ndryshime – e kundërta e kësaj mund t’ju sjellë vetëm dëshpërim e pakënaqësi. Jeta juaj intime këtë muaj do t’i ngjasojë vallëzimit mbi vullkan. Se a do të digjeni, apo do të kaloni fare lehtë mbi këtë nxehtësi do të varet prej asaj, se si do ta shfrytëzoni kohën me parnerin. Nuk është koha për kritika por për aksion dhe shprehje të ndjenjave të sinqerta. Për personat e lirë të kësaj shenje, përpara është një periudhë që kërkon ofensivë – por nuk duhet të jeni shumë përzgjedhës.


Peshorja
Personat e lindur në dekadën e parë të kësaj shenje, mund të ballafaqohen me një situatë të tensionuar në punë, prej datës 13 deri më 19 shkurt. Këtë krizë mund ta tejkaloni me pak diplomaci. Ndërkaq personat e lindur në dekadën e dytë dhe të tretë të kësaj shenje, mund të përfitojnë shumë në aferën e biznesit, ngase do ta kenë mbështetjen e yjeve për një gjë të tillë. Mbështetjen do ta kenë sidomos nga planeti Jupiter, i cili ju jep dritë të gjelbër për të nisur një profesion, respektivisht biznes të ri, apo ndonjë prezantim publik të idesë tuaj. Personat të cilët janë në kërkim të punës duhet ta shfrytëzojnë këtë periudhë kur kanë mbështetjen e yjeve, për t’u hedhur në kërkim të një vendi të punës. Sa i përket sferës së dashurisë, duhet të keni kujdes në sjellje dhe biseda dhe të mos krijoni mosmarrëveshje që do të mund të eskalonin situatën. Tregojani partnerit dëshirën tuaj me butësi, pasi që siç e dini, ai përcjellë çdo lëvizje tuaj. Vetëm kështu mund të fitoni pikë tek partneri juaj. Personat e lirë duhet të hedhen në aksion sepse mund ta takojnë personin e jetës, sidomos ata që kanë lindur në dekadën e tretë të kësaj shenje


Akrepi
Nuk duhet të dorëzoheni para vështirësive, edhe pse gjatë këtij muaji mund t’ju mungojë motivimi për punë. Shpesh do të mendoni sikur asgjë nuk ju ecën mbarë dhe puna mund t’ju duket monotone. Sidoqoftë, provoni të hiqni dorë nga angazhimi që nuk ju sjell dobi materiale – ngase duhet të dini se edhe ju nganjëherë mund t’ju braktisë fuqia. Po ashtu duhet të keni kujdes edhe në kolektiv, pasi që edhe aty pesimizmi juaj mund të prishë punë. Mos kritikoni në kohë të gabuar, ngase më vonë mund të kuptoni se ky veprim ka qenë fatal për karrierën tuaj. Në sferën e financave, yjet ju këshillojnë të hiqni dot nga kreditë bankare ose udhëtime e fitime të shpejta, sepse mund të pendoheni pastaj për shumë kohë. Në sferën e dashurisë duhet të tregoheni më të matur dhe të bisedoni me partnerin tuaj – dhe vetëm në këtë mënyrë mund t’i zgjidhni disa probleme që janë grumbulluar me kalimin e kohës. Personat e lirë të kësaj shenje do të kenë mundësi të tërheqin gjininë e kundërt pasi që do të jenë jashtëzakonisht tërheqës në sytë e të tjerëve.


Shigjetari
Persona e lindur në dekadën e parë të kësaj shenje do të kenë mundësi të mira për zhvillimin e biznesit personal ose edhe atij kolektiv. Edhe fillimi i ndonjë biznesi të ri, ose investimeve kapitale, do t’ju shkojë për dorësh. Gjatë këtij muaji mund të arrini shumëçka nëse jeni të vendosur sa duhet dhe nëse dini t’i shprehni idetë dhe planet tuaja. Keni mbështetjen e yjeve për një gjë të tillë. Personat e lindur në dekadën e dytë të kësaj shenje, do të kenë disa vështirësi në punë, sidomos në pjesën e parë të këtij muaji. Para se gjithash duhet të kenë kujdes të shtuar në ambientet kolektive ku punojnë, sepse nuk është kohë e duhur për t’i provokuar të tjerët – në këtë mënyrë mund të bëhen pengesë e vetvetes. Shmanguni nga tendencat negative, nga të cilat mund të keni pasoja të padëshirueshme. Në aspektin e dashurisë do të keni nevojë për afërsinë e partnerit, mirëpo duhet të keni se as kjo nuk është zgjidhje e përhershme – punoni më shumë në këtë drejtim.


Bricjapi
Muaji në vijim mund t’ju sjellë një periudhë përplot lumturi – ngase do ta keni mbështetjen e yjeve për nj gjë të tillë, ndërsa ju duhet ta shfrytëzoni atë. Do të keni mundësi që synimin tuaj ta bëni realitet. Sukseset do të vijnë sikur të ishin të programuara, megjithatë, personat e lindur në dekadën e dytë dhe të tretë të kësaj shenje duhet të jenë më të kujdesshëm – jo pse nuk mund të arrijnë rezultate, por sepse mund të mashtrohen me premtimet dhe idetë e të tjerëve, dhe të marrin drejtimin e gabuar. Këta persona më shumë duhet të besojnë në idetë dhe aftësitë e tyre, dhe në këtë mënyrë do të arrijnë shumë më shpejt në sipërfaqe. Në sferën e dashurisë do të ndesheni me disa lëvizje të papritura – herë do të keni nevojë për afërsinë e partnerin, ndërsa herën tjetër të jeni të vetmuar. Personat e lirë të kësaj shenje nuk kanë mundësi të mëdha për ndonjë lidhje serioze – por së paku mund të testojnë se si duket ajo.


Ujori
Gjatë këtij muaji yjet ju këshillojnë të keni kujdes të shtuar në punë dhe të mos ekspozoheni shumë. Mos tentoni me çdo kusht të ngjiteni në maje, por analizojini projektet tuaja në detaje, mbase diku mund të keni gabuar në përllogaritje. Prej datës 19 deri më 27 shkurt do të arrini të bëni përmirësime të dukshme në punë dhe t’i riparoni gabimet që keni bërë në të kaluarën. Personat e kësaj shenje që janë në kërkim të punës, që nga data 16 e këtij muaji, do të kenë mundësi t’i prezantojnë idetë dhe aftësitë e veta, e madje edhe të gjejnë punë. Në sferën e dashurisë mund të kaloni çaste të paharrueshme, mirëpo nuk duhet t’i ngatërroni problemet personale me ato familjare. Personat e lirë të kësaj shenje duhet të jenë më azhur dhe të hidhen në aksion. Mundësi të mira do t’ju shfaqen prej datës 14 deri më 25 shkurt.


Peshqit
Gjatë muajit në vijim do të hetoni se nevojitet një ndryshim në punë, për ta realizuar një dëshirë që keni. Provoni të kontaktoni me personat përgjegjës dhe profesionistë prej datës 4 deri më 11 shkurt – ndërsa sukseset do të shpaguhen që nga data 22 e këtij muaji. Personat e lindur në dekadën e dytë të kësaj shenje, kanë një muaj relativisht të suksesshëm përpara – sidomos kur bëhet fjalë për nënshkrime të kontratave, që do të duhej të finalizoheshin prej datës 5 deri më 8 shkurt. Më pastaj nuk është mirë të hyni në aspektin ligjor të biznesit sepse mund të pendoheni. Në sferën e dashurisë po ashtu ju pret një muaj i mbarë, kur edhe mund të punoni në realizimin e ëndrrave tuaja dhe krijimit të ambientit të përbashkët familjar. Personat e lirë kanë mundësi ta takojnë personin e jetës – prandaj është koha për aksion.