D'Alema: Evropa të jetë e bashkuar për Kosovën

Shefi i diplomacisë italiane, Massimo D’Alema, ka deklaruar se vendet e BE-së duhet të kenë një qëndrim të përbashkët për çështjen e Kosovës.
Në një deklaratë të bërë në prag të takimit të ministrave të jashtëm të bllokut të 27 shteteve të Bashkimit Evropian, D’Alema është shprehur se “po punohet për arritjen e një qëndrimi të përbashkët evropian”.

Megjithatë, duke iu referuar këtij momenti delikat për Ballkanin, ministri i Jashtëm italian ka potencuar rëndësinë e “mbajtjes hapur të dialogut me Serbinë”.

Ndërkaq ministrat e jashtëm të Kroacisë dhe Sllovenisë, si dhe ministri gjerman i Mbrojtjes janë shprehur se vendet e tyre do të kenë një qëndrim të përbashkët me vendet e Bashkimit Evropian për njohjen e pavarësisë së Kosovës, ndërkohë që Qiproja dhe Spanja janë shprehur kundër. /ansa/