Manchester City shënon fitore ndaj United

Manchester United ka pësuar një goditje të rëndë, pasi që u mposht në Old Trafford nga rivali i qytetit, Manchester City, ndeshje që përfundoi me rezultat 2-1. Para fillimit të ndeshjes u mbajt 1 minutë heshtje për personat që vdiqën në tragjedinë e Munichut (1958).
Dy gola të pjesës së parë të shënuar nga Darius Vassell (24’) dhe Benjamin Mwaruwari (45’), çuan në avantazh Cityn. United dështoi të gjejë mënyrën e duhur për tu rikthyer në lojë dhe një gol të shënuar nga Michael Carrick në minutat shtesë të lojë, doli të jetë i vetmi ngushëllim për Djajtë e Kuq.

United me këtë humbje mbetet 2 pikë prapa liderit të Premierligës, Arsenalit, ndërsa rrezikon që kjo diferencë të shtohet në pesë, nëse topçinjtë shënojnë fitore në ndeshjen e nesërme ndaj Blackburn, që do të luhet në Emirates.