Arsenal pesë pikë mbi Manchester United

Ekipi i Arsenalit ka shënuar fitore prej 2-0 ndaj Blackburnit, për të krijuar epërsinë prej pikësh ndaj Manchester United në maje të tabelës së Premierligës.
Dy golat e topçinjve erdhën në fillim dhe në fund të ndeshjes. Mbrojtësi zviceran Philippe Senderos, dërgoi Arsenalin në epërsi që në minutën e 4-të të ndeshjes, duke shënuar një gol me kokë, pas harkimit të Eduardos nga këndi.

Pavarësisht tentimeve të vazhdueshme të vendasve, rezultati mbeti 1-0 avantazh për topçinjtë deri në përfundim të kohës së rregullt, kur Emmanuel Adebayor shënoi golin, të cilin e kërkoi gjatë gjithë ndeshjes. Për Adebayor kjo ishte ndeshja e nëntë në varg në të cilën shënon, ndërsa barazohet edhe me Cristano Ronaldon, sa i takon numrit të golave të shënuar në Premierligë këtë sezon; që të dy me nga 19 gola.

Me 13 ndeshje të mbetura deri në fund, Arsenal tashmë ka 63 pikë nga 23 ndeshje, derisa Manchester United, që të dielën u mposht nga Manchester City, mbledh 58 pikë. Chelsea mbetet në vendin e tretë me 55 pikë.

Dy liderët e Premierligës, Arsenal dhe United, do të ndeshen gjatë këtij vikendi në kuadër të luftës për Kupën FA, derisa ky derbi do të pasohet nga gjatë javës së ardhshme me sfidat e Ligës së Kampionëve