Tadiq: Zgjidhja për Kosovën vetëm në OKB

Tadiq: Zgjidhja për Kosovën vetëm në OKB

Presidenti i Serbisë, Boriq Tadiq, ka deklaruar të premten në Berlin se - zgjidhja e çështjes së Kosovës duhet të gjendet në Këshillin e Sigurimit, pasi që vetëm ky organ, sipas tij, "garanton legjitimitetin e zgjidhjes së ardhshme".
Duke iu drejtuar të pranishmëve në Konferencën për Çështjet e Sigurisë, që zhvillohet në Munih, Tadiq ka thënë se do të ishte precedent ndarja e Serbisë, pa dëshirën e saj.

Presidenti serb madje ka vlerësuar se, “pavarësia e imponuar për Kosovën”, do të mund të shkaktonte eskalimin e konflikteve ekzistues, sikur edhe të nxit konflikte të tjera.

"Mënyra e vetme për zgjidhjen e mosmarrëveshjeve në shek. XXI në Evropë, janë bisedimet, dhe atë bisedimet serioze, derisa dy palët nuk mbeten të kënaqura. Siç shoh unë, tash nevojiten bisedimet serioze për Kosovën”, ka vlerësuar Tadiq