Vazhdon gjykimi i të akuzuarve për vrasjen e vëllezërve Bytyçi

Vazhdon gjykimi i të akuzuarve për vrasjen e vëllezërve Bytyçi

Gjykimi ndaj dy ish-pjesëtarëve të Ministrisë së Punëve të Brendshme të Serbisë, të akuzuar për ndihmë në vrasje të vëllezërve Bytyçi, në Petrovo Selo, më 1999, vazhdon të hënën para Trupit për krime të luftës në Gjykatën e Qarkut në Beograd.
Sreten Popoviq dhe Millosh Stojanoviq akuzohen për ndihmë në vrasjen e shtetasve amerikanë me prejardhje shqiptare, Yll, Agron dhe Mehmet Bytyçi.

Dy policët serbë ngarkohen me aktakuzë se i kanë privuar nga e drejta për gjykim të drejtë tre vëllezërit Bytyçi, meqë i kanë dorëzuar ata tek pjesëtarët e panjohur të MPB-së të Serbisë, të cilët më 9 korrik të vitit 1999, i kanë ekzekutuar ata me të shtëna prapa kafkës.