Calderon: Duhet ta ruajmë hapin

Calderon: Duhet ta ruajmë hapin

Presidenti i Real Madridit, Ramon Calderon, ka lavdëruar fitoren e shkëlqyeshme prej 7-0 përballç Valladolid, por thotë se nuk duhet ta humbasin përqendrimin derisa të fitohet titulli.
“Ta shohim ekipin të luajë në këtë mënyrë i bën madrilenët shumë krenar”, ka deklaruar Calderon. “I vetmi lajm i keq është lëndimi i Robinhos. Gjithçka tjetër ishte perfekt: golat, mënyra e lojës, të qenit i gëzuar... Duhet të jemi mjaft krenar me këtë ekip”.

“Ky është ekipi të cilin e dëshirojmë”, ka vazhduar Calderon. “Gjetëm mënyrën e fitores pavarësisht aq shumë lëndimeve. 25 lojtarët tonë kanë talent, aftësi dhe përkushtim. Ata të gjithë sulmojnë, mbrojnë dhe ndihmojnë njëri-tjetrin. Është gjë e bukur”.

Real Madrid kryeson në La Liga me 56 pikë nga 23 ndeshje, tetë pikë më shumë se Barcelona që pozicionohet në vendin e dytë.